|
Skólaárið 2005 til 2006 unnu kennarar
Álftamýrarskóla að nokkrum þróunarverkefnum sem
tengjast stefnumörkun um fjölbreytta kennsluhætti.
Kennarar unnu saman í teymum sem skipulögðu saman
kennslu þar sem áhersla var lögð á fjölbreytni,
virkni nemenda, sköpun, rannsóknarvinnu, tjáningu,
hugsun (t.d. með umræðum og þrautalausnum) og
samvinnu.
Mörg verkefnin tengdust markmiðum þar sem keppt var
að því að efla ábyrgð nemenda á eigin námi,
sjálfstæð vinnubrögð og val. Einnig var leitað leiða
við að tengja saman viðfangsefni í mismunandi
námsgreinum og að efla tengsl skóla við daglegt líf
og umhverfi. Í mörgum verkefnanna skipuðu list- og
verkgreinar stóran sess og eins byggðu mörg þeirra á
að nýta upplýsingatækni. Kennarar sóttu námskeið í
og hreyfimyndagerð og sjást þess merki í mörgum
verkefnanna. Leiðbeinandi var Marteinn Sigurgeirsson
Kennararnir héldu upplýsingum um verkefnin til haga
og skiluðu skýrslum um þau á innanhúsþingi sem
haldið var 12. júní. Mat kennaranna var að vel hafi
til tekist og að ástæða væri til að halda áfram að
þróa kennslu með þessum hætti.
Verkefnið var unnið í samvinnu við Ingvar
Sigurgeirsson prófessor við Kennaraháskóla Íslands
sem var ráðgefandi um undirbúning og mat á
verkefninu. Þórunn Traustadóttir deildarstjóri setti
um þennan vef. |
